1आता यहोशवा म्हातारा आणि चांगल्या उतार वयाचा झाला होता. तेव्हा परमेश्वर त्याच्याशी म्हणाला, "तू म्हातारा झाला आहेस आणि तुझे वय पुष्कळ झाले आहे, परंतु अजून पुष्कळ देश काबीज करून घ्यावयाचा राहिला आहे."
2हा देश अजून बाकी राहिला आहे: पलिष्ट्यांचा सर्व प्रांत, आणि सर्व गशूरी प्रांत;
3मिसराच्या पूर्वस जी शीहोर नदी तिजपासून उत्तरेस जे एक्रोन त्याच्या सीमेपर्यंतहि जो देश, तो कनान्यांचा मानलेला आहे; गज्जी व अश्दोदी, अष्कलोनी, गथी व एक्रोनी व अव्वी यांचे पलिष्टी पाच सूभेदार आहेत.
4दक्षिणेस कनान्यांचा सर्व देश, आणि सीदोन्याचे मारा, अफेकापर्यंत म्हणजे अमोऱ्यांच्या सीमेपर्यंतचा देश;
5आणि गिबली यांचा देश, व सूर्याच्या उगवतीस सर्व लबानोन, हर्मोन डोंगराखालच्या बालगादापासून हमाथात जायच्या ठिकाणापर्यंत तो देश घ्यायचा आहे;
6लबानोनापासून मिस्रफोथ माइमापर्यंत डोंगराचे सर्व राहणारे, सर्व सीदोनी, यांस मी इस्राएलाच्या संतानापुढून वतनातून बाहेर घालवीन; त्यांचा देश इस्राएलाचे वतन होण्यास मी तुला आज्ञा दिल्याप्रमाणे चिठ्या टाकून वाटून दे.
7तर आता नऊ वंश व अर्धा मनश्शेचा वंश यांस वतन होण्यासाठी या देशाच्या वाटण्या कर.
8मनश्शाच्या बाकीच्या अर्ध्या वंशास व रऊबेनी व गादी यास आपल्या वतनाचा वाटा मिळाला आहे; परमेश्वराचा सेवक मोशे याने त्यास यार्देनेच्या पलीकडे पूर्वेस जे दिले ते त्यांचे आहे.
9आर्णोन नदीच्या काठावरले अरोएर म्हणजे त्या खोऱ्याच्या मध्यभागी ते नगर, तेथून दीबोनापर्यंत मेदब्याची सर्व पठारेही;
10आणि अमोऱ्यांचा राजा सीहोन ज्याने हेशबोनात राज्य केले त्याची, अम्मोनी संतानांच्या सीमेपर्यंत सर्व नगरे;
11गिलाद आणि गशूरी व माखाथी यांची सीमा, आणि अवघा हर्मोन डोंगर व सालखापर्यंत सर्व बाशान;
12म्हणजे बाशानातल्या ओगाचे सर्व राज्य दिले; त्याने अष्टारोथ व एद्रई येथे राज्य केले; रेफाई यांच्या शेषांतला तो एकच राहिला होता, परंतु मोशेने त्यांस मारून त्याचे वतन घेतले.
13तथापि इस्राएलाच्या संतानानी गशूरी व माखाथी यांना वतनातून बाहेर घालवले नाही, तरी आजपर्यंत गशूरी व माकाथी इस्राएलामध्ये राहत आहेत.
14लेवीच्या वंशाला मात्र त्याने वतन दिले नाही; इस्राएलाचा देव परमेश्वराने त्याला सांगितल्याप्रमाणे अग्नीतून केलेली अर्पणे, तेच त्यांचे वतन आहे;
15परंतु रऊबेनाच्या संतानांच्या वंशाला त्याच्या कुळाप्रमाणे मोशेने दिले.
16आणि त्याची प्राप्त झालेली सीमा ही होती, आर्णोन नदीच्या कांठावर जे अरोएर, म्हणजे त्या खोऱ्याच्या मध्यभागी जे नगर, तेथून मेदबाजवळचा सर्व पठारी प्रदेश;
17हेशबोन आणि पठारावरील जी सर्व नगरे; दिबोन व बामोथ बाल व बेथ बालमोन;
18आणि याहस व कदेमोथ, मेफाथ;
19आणि किर्याथाईम व सिब्मा व खोऱ्याच्या डोंगरावरचे सरेथ शाहर;
20बेथपौर व पिसगाच्या उतरणी व बेथयशिमोथ;
21आणि पठारातली सर्व नगरे; म्हणजे अमोऱ्याचा राजा सिहोन त्याचे सर्व राज्य त्यात होते; त्याने हेशबोनात राज्य केले; त्याला मोशेने मारले, आणि देशात राहणारे सिहोना चे मुख्य म्हणजे मिद्यानावरले अधिपती अवी रेकेम व सूर व हूर रेबा यांसहित मारले
22आणि त्यांच्या मारलेल्या मध्ये तो भाकित सांगणारा बौराचा पुत्र बलाम, याला इस्राएलाच्या संतानानी तरवारीने जीवे मारले.
23तर रुऊबेनाच्या संतांनांची सीमा यार्देन नदीचा तीर असी झाली; रुऊबेनाच्या संतानांच्या कुळाप्रमाणे त्यांचे हेच वतन, ती नगरे व त्यांच्या खालचे गांव.
24गादाच्या वंशालाहि, गादीच्या संतानांस त्यांच्या कुळाप्रमाणे मोशेने वतन दिले.
25आणि त्यांची सीमा याजेर व गिलादांतली सर्व नगरे व अम्मोनाच्या संतानांचा अर्धा देश, राब्बा यांच्यापुढे जे अरोएर तेथपर्यंत झाली.
26आणि हेशबोनापासून रामाथमिस्पापर्यतचा प्रदेश, आणि बतोनीम व महनाईमापासुन दबीरच्या सीमेपर्यंत;
27आणि खोऱ्यातले बेथहाराम व बेथनिम्रा व सुक्कोथ व साफोन, म्हणजे हेशबोनाचा राजा सीहोन याच्या राज्याचा शेष भाग, यार्देन व तिच्यातीरींचा किन्नेरेथ समुद्राच्या कांठापर्यंत, असे योर्देनेच्या पलीकडे पूर्वेस झाले.
28गादाच्या संतानांच्या, कुळाप्रमाणे त्याचे वतन हेच, तीं नगरे व त्यांच्या खालचे गांव.
29आणि मनश्श्याच्या अर्ध्या वंशाला मोशेने वतन दिले; तर मनश्श्याच्या अर्ध्या संतानांच्या वंशाला त्यांच्या कुळाप्रमाणे असे झाले;
30की त्यांची सीमा महानाइमापासून सर्व बाशान, म्हणजे बाशानाचा राजा आगे याचे अवघे राज्य, बाशानातले याईरचे जे अवघे गांव साठ नगरे त्यांसुद्धा;
31आणि अर्धा गिलाद, आणि बाशानांत ओगाच्या राज्यांतली नगरे आष्टारोथ व एद्रई यांसुद्धाही; असे मनश्श्याचा पुत्र माखीर यांच्या संतानांस, म्हणजे माखीराच्या अर्ध्या संतानांस त्यांच्या कुळाप्रमाणे प्राप्त झाले.
32यरीहोजवळ यार्देन नदीच्या पलिकडे पूर्वेस मवाबच्या अरण्यात मोशेने जी वतने दिली ती हीच.
33लेवीच्या वंशाला मोशेने वतन दिले नाही; इस्राएलचा देव परमेश्वर याने जसे त्यांस सांगितले, तसा तोच त्यांचे वतन आहे.