1आता इस्राएली लोकांचे नेते यरुशलेम नगरात राहत होते. बाकीच्या लोकांपैकी दहातल्या एकाने यरुशलेम पवित्र नगर येथे राहावे आणि उरलेल्या नऊ जणांनी आपापल्या गावी वस्ती करावी असे ठरवण्यासाठी चिठ्या टाकल्या.
2आणि काही लोक स्वखुषीने यरुशलेमेमध्ये राहायला तयार झाले. त्या सर्वास लोकांनी आशीर्वाद दिले.
3जे प्रांताचे नेते यरुशलेमात राहिले ते हेच होते. पण काही इस्राएल लोक, याजक, लेवी, मंदिराचे सेवेकरी व शलमोनाच्या सेवकांचे वंशज यहूदातील आपआपल्या नगरामध्ये व वतनात राहत होते.
4यरुशलेमेमध्ये काही यहूदी आणि बन्यामीनी घराण्यातील व्यक्ती राहत होत्या.यरुशलेमामध्ये आलेले यहूदाचे वंशज पुढीलप्रमाणे: उज्जीयाचा पुत्र अथाया, (उज्जीया जखऱ्याचा पुत्र, जखऱ्या अमऱ्याचा पुत्र आणि अमऱ्या शफाट्याचा. शफाट्या महललेलचा. महललेल हा पेरेसचा वंशज)
5बारूखचा पुत्र मासेया (बारुख हा कोल-होजचा पुत्र, कोलहोजे हजायाचा पुत्र, हजाया अदायाचा, अदाया योयारीबचा, योयारीब जखऱ्याचा आणि जखऱ्या शिलोनीचा पुत्र.)
6पेरेसच्या यरुशलेमामध्ये राहणाऱ्या वंशजांची संख्या चारशे अडुसष्ट होती. हे सर्व शूर पुरुष होते.
7यरुशलेमामध्ये राहायला गेलेले बन्यामीनचे वंशज असे: मशुल्लामचा पुत्र सल्लू (मशुल्लाम योएदाचा पुत्र, योएद पदायाचा, पदाया कोलायाचा पुत्र, कोलाया मासेयाचा, मासेया ईथीएलचा आणि ईथीएल यशायाचा)
8यशायाच्या पाठोपाठ गब्बई आणि सल्लाई होते. ते एकंदर नवशें अठ्ठावीस जण होते.
9जिखरीचा पुत्र योएल त्यांचा प्रमुख होता. हसनुवाचा पुत्र यहूदा हा यरुशलेम नगराच्या दुसऱ्या विभागाचा अधिकारी होता.
10याजकापैकी: योयारीबचा पुत्र यदया, याखीन,
11हिल्कीयाचा पुत्र सराया (हिल्कीया मशुल्लामचा पुत्र, मशुल्लाम सादोकाचा, सादोक मरायोथचा, मरायोथ अहीटूबचा. अहीटूब देवाच्या मंदिराचा अधिक्षक होता.)
12आणि त्यांचे आठशें बावीस भाऊंबंद मंदिराचे काम करत होते. आणि यरोहामाचा पुत्र अदाया (यरोहाम पलल्याचा पुत्र. पलल्या अम्हीचा, अम्सी जखऱ्याचा पुत्र, जखऱ्या पशहूरचा आणि पशहूर मल्कीयाचा)
13मल्कीयाचे दोनशे बेचाळीस (हे सर्वजण आपापल्या पितृकुळांचे प्रमुख होते) अजरेलचा पुत्र अमशसइ (अजरेल अहजईचा पुत्र, अहजई मशिल्लेमोतचा, मशिल्लेमोथ इम्मेरचा)
14आणि इम्मेरचे एकशें अठ्ठावीस (हे सर्व शूर सैनिक होते. हगदोलीमचा पुत्र जब्दीएल त्यांचा अधिकारी होता.)
15लेवी पुढीलप्रमाणे: हश्शूबचा पुत्र शमया, (हश्शूब अज्रीकामचा पुत्र, अज्रीकाम हशब्याचा, हशब्या बुन्नीचा)
16शब्बथई आणि योजाबाद हे दोघे लेव्याची प्रमुख होते आणि देवाच्या मंदिराबाहेरच्या कारभाराचे ते प्रमुख होते.)
17मत्तन्या, (हा मीखाचा पुत्र मीखा जब्दीचा आणि जब्दी आसाफचा. आसाफ गानवृंदाचा प्रमुख होता. ईशस्तुती आणि प्रार्थनागीते म्हणताना तो आरंभ करी व लोक पाठोपाठ म्हणत.) व बकबुक्या (भाऊबंदांमध्ये त्याचा अधिकार दुसरा होता) आणि शम्मूवाचा पुत्र अब्दा, (शम्मूवा गालालाचा पुत्र, गालाल यदुथूनाचा)
18अशाप्रकारे यरुशलेम या पवित्र नगरात दोनशे चौऱ्यायशी लेवी राहायला गेले.
19यरुशलेमामध्ये गेलेले द्वारपाल असे: अक्कूब, तल्मोन आणि त्यांचे एकशे बहात्तर होते.
20बाकीचे इस्राएली लोक आणि याजक तसेच लेवी यहूदाच्या वेगवेगळया नगरांमध्ये आपापल्या वडिलोपार्जित वतनांमध्ये राहिले.
21मंदिराचे सेवेकरी ओफेल टेकडीवर राहत. सीहा आणि गिश्पा हे या सेवेकऱ्यांचे प्रमुख होते.
22उज्जी हा यरुशलेममधील लेवीचा प्रमुख होता. उज्जी हा बानीचा पुत्र. (बानी हशब्याचा, हशब्या मत्तन्याचा, मत्तन्या मीखाचा पुत्र. उज्जी हा आसाफचा वंशज. आसाफचे वंशज गायक असून देवाच्या मंदिरातील सेवेची जबाबदारी त्यांच्यावर होती.
23ते राजाज्ञा पाळत. गायकांनी दररोज काय करायचे ते आज्ञेत सांगितलेले असे.
24राजाचा हुकूम काय आहे हे पथह्या लोकांना सांगत असे. (पथह्या हा मशेजबेल याचा पुत्र. मशेजबेल जेरहच्या वंशातला होता. जेरह यहूदाचा पुत्र.)
25यहूदाच्या वंशातील लोक ज्या गावागावांमध्ये राहत ती गावे अशी: किर्याथ आर्बात व त्याच्या आसपासची खेडी. दिबोन आणि त्याच्या भोवतालची खेडी. यकब्सेल आणि त्या भोवतालची खेडी,
26आणि येशूवा, मोलादा, बेथ-पलेत ही नगरे व त्यांच्या आसपासची गावे,
27हसर-शूवाल, बैर-शेबा आणि त्यांच्या भोवतालची खेडी,
28सिकलाग, मकोना व त्यांच्या भोवतालची गावे,
29एन-रिम्मोन, सारया, यर्मूथ
30जानोहा, अदुल्लम ही नगरे आणि त्यांच्या आसपासची गावे, लाखीश आणि त्याच्या भोवतालची शेतीवाडी, अजेका आणि त्याभोवतीची खेडी. अशाप्रकारे यहूदाचे लोक बैर-शेबापासून हिन्नोमच्या खोऱ्यापर्यंतच्या भागात राहत होते.
31गेबातील बन्यामीनच्या कुळातले वंशज मिखमाश, अया, बेथेल ही नगरे व त्या भोवतालची खेडी
32अनाथोथ, नोब, अनन्या,
33हासोर, रामा, गित्तइम,
34हादीद, सबोइम, नबल्लट,
35लोद, ओना आणि कारागिरांचे खोरे येथे राहत होते.
36लेवीच्या कुळातील यहूदाचे काही गट बन्यामीनांच्या प्रदेशात गेले.