1मी आपल्या पहाऱ्यावर उभा राहिल आणि बुरुजावर पहारा करीन, आणि तो मला काय म्हणेल व माझ्या तक्रारीपासून मी कसे वळेल ते लक्षपूर्वक पाहीन.
2परमेश्वराने मला उत्तर दिले आणि म्हटले, “मी तुला जो दृष्टांत दाखवतो, तो स्पष्टपणे पाट्यांवर लिहून ठेव अशासाठी की जो कोणी ते वाचतो त्याने धावावे!
3कारण हा दृष्टांत अजून नेमलेल्या समयासाठी राखून ठेवला आहे, शेवटी तो बोलणार व फसवणार नाही, जरी त्यांने विलंब केला तरी, त्याची वाट पाहा! खचित तो येणारच आणि थांबणार नाही!
4पाहा! मनुष्याचा आत्मा गर्विष्ठ झाला आहे, आणि स्वत:च्या ठायीच तो सरळ नाही, परंतु धर्मीजन आपल्या विश्वासाने जगेल.
5कारण द्राक्षरस तर विश्वासघात करणारा आहे, तो उन्मत्त तरून पुरूष आहे आणि घरी राहत नाही. परंतू तो कबरेसारख्या आपल्या इच्छा वाढवतो, तो मृत्यूसारखा असतो, तो कधीच तृप्त होत नाही. तो आपल्याजवळ प्रत्येक राष्ट्र एकत्र करतो आणि आपल्यासाठी सर्व लोकांना एकत्र करतो.
6सर्वच लोक त्याच्या विरूद्ध बोधकथा घेणार नाहीत काय, आणि त्याला म्हणीने टोमने मारतील व म्हणतील. जो आपले नाही ते वाढवतो, त्याला हाय हाय! कारण किती वेळ तु घेतलल्या प्रतिज्ञांचा बोझा वाढवशील?
7तुला भेवाडणारे व तुझ्यावर कडक टीका करणारे असे अचानक उठतील नाही काय? तू त्यांच्यासाठी बळी असा होशील.
8कारण तू पुष्कळ राष्ट्रे लुटली आहेत, म्हणून त्या लोकांतले उरलेले तुला लुटतील, ते अशासाठी की, मनुष्याच्या रक्तामुळे, देश व गावे यांच्यावर केलेले जुलूम ह्यांमुळे त्या देशांतील व गावांतील लोक तुला लुटतील.
9‘जो आपल्या घराण्यासाठी वाईट लाभ मिळवतो व त्याद्वारे अरीष्टांच्या हातातून सुटावे म्हणून आपले घरटे उंच स्थापितो, त्याला हाय हाय!’
10तू अनेक लोकांना मारलेस, त्यामुळे तू स्वत:च्या घरासाठी अप्रतिष्ठा तयार केली आहे आणि आपल्या स्वत:च्या जिवा विरूद्ध पाप केले आहे.
11भिंतीतील दगडसुध्दा तुझ्याविरुध्द ओरडतील आणि तुझ्या घराचे वासे त्यांना उत्तर देतील.
12‘जो रक्ताने शहर बांधतो, आणि जो अन्यायाने गाव वसवितो त्याला हाय हाय!’
13त्या लोकांनी उभारलेले सर्व आगीत भस्मसात होईल, आणि राष्ट्रे केवळ व्यर्थतेसाठी थकतील, हे सैन्याच्या यहोवा कडून घडून आले नाही काय?
14तरीही जसे समुद्राला झाकते, तसे पृथ्वी परमेश्वराच्या गौरवाच्या ज्ञानाने भरेल.
15‘जी व्यक्ती आपल्या शेजाऱ्याला मद्य प्यायला लावते त्याला हाय हाय! तू आपले विष त्यांत घालून त्याला मस्त करतो,’ ह्यासाठी की त्याचे नग्नपण पाहावे.
16तू गौरवाने नाही तर अप्रतिष्ठेणे भरला आहेस! तू पण त्याची चव घे आणि आपली नग्नता प्रकट कर! परमेश्वराच्या उजव्या हातांतला प्याला तुझ्याकडे फिरत येईल, आणि तुझ्या सर्व गौरवावर अप्रतिष्ठा पसरवली जाईल.
17लबानोन वर केलेला जुलूम तुला झाकेल आणि पशूंचा केलेला नाश तुला भयभीत करील. कारण मनुष्याचा रक्तपात व तेथील भूमीवर, शहरांवर, आणि त्यातील सर्व रहिवाशांवर केलेल्या जुलूम ह्यांमुळे असे होईल.
18मूर्तिकाराने कोरून केलेल्या मुर्तींत त्याला काय लाभ? कारण जो कोणी त्याला कोरतो, किंवा ओतीव मुर्ती तयार करतो, तो खोटा शिक्षक आहे, कारण तो स्वतःच्या हस्तकृतीवर विश्वास ठेवतो, जेव्हा तो अशा मुक्या देवांना बनवतो.
19जो लाकडास म्हणतो जागा हो! किंवा दगडाला असे म्हणतो उठ! त्याला हाय हाय! ह्या वस्तु शिकवतील काय? पाहा! ते सोन्या आणि चांदीने मढवले अाहेत, पण त्यात मुळीच श्वास नाही.
20परंतु परमेश्वर त्याच्या पवित्र मंदिरात आहे, सर्व पृथ्वी त्यापुढे स्तब्ध राहो!”