1यहूदाचा राजा यहोयाकीम याच्या कारकिर्दीच्या तिसऱ्या वर्षी बाबेलाचा राजा नबुखदनेस्सर याने यरूशलेमेवर चढाई करून त्यांची रसद बंद करण्यासाठी यरुशलेमेला वेढा दिला.
2परमेश्वराने नबुखद्रेनेस्सर राजास यहूदाचा राजा यहोयाकीमवर विजय दिला आणि त्याला परमेश्वराच्या घरातील काही वस्तु दिल्या त्याने त्या शिनार येथे त्याच्या देवाच्या घरासाठी आणल्या आणि त्या पवित्र वस्तु त्याने त्याच्या देवाच्या भांडारात ठेवल्या.
3राजा आपला प्रमुख अधिकारी अश्पनज यास म्हणाला की इस्त्राएलाचे काही लोक, जे राज कुळातले आणि उच्चकुलीन आहेत त्यास माझ्याकडे घेवून ये.
4निष्पाप तरुण, सुरुप, कौशल्यपुर्णतेने चतुर, ज्ञानाने परिपूर्ण आणि शक्तीवान आणि राजाच्या महलामध्ये सेवा करण्यास पात्र तो तेथे त्यांना खास्द्यांची शिक्षण व भाषा देत असे.
5राज्याच्या मिष्ठान्नातुन व तो पीत असे त्या द्राक्षरसातून तो त्यांचा रोज वाटा नेमून देत असे त्या तरुणांना तीन वर्षाचे प्रशिक्षण देण्यात येते होते त्यानंतर त्यांनी राजाची सेवा करावी.
6त्या लोकांमध्ये दानीएल, हनन्या, मीशाएल व अजऱ्या हे यहूदाचे काही लोक होते.
7प्रमुख अधिकाऱ्याने त्यांना नावे दिली, दानीएलास बेल्टशस्सर, हनन्यास शद्रख, मीशाएलास मेशख, अजऱ्यास अबेदनगो.
8पण दानीएलाने आपल्या मनात ठरवले की, तो स्वत:ला राजाच्या अन्नाने किंवा त्याच्या पिण्याच्या द्राक्षारसानें विटाळविणार नाही; म्हणून त्याने षंढांच्या अधिकाऱ्याला विनंती केली की, मी आपणाला विटाळवू नये.
9आता देवाने दानीएलावर प्रमुख अधिकाऱ्याची कृपा आणि दया व्हावी असे केले.
10प्रमुख अधिकारी दानीएलास म्हणाला, “मला माझा स्वामी, राजांचे भय आहे त्याने तुम्ही काय खावे व काय प्यावे हयाची आज्ञा केली आहे, तुमच्या वयाच्या इतर तरुणांपेक्षा तुम्ही अधिक वाईट का दिसावे? तुमच्यामुळे तो माझे डोके छाटून टाकले.”
11मग प्रमुख अधिकाऱ्याने दानीएल, हनन्या, मीशाएल व अजऱ्या हयावर नेमून दिलेल्या कारभाऱ्याशी दानीएल बोलला.
12तो म्हणाला, “आपल्या दासांची दहा दिवस कसोटी पहा, आम्हास फक्त् शाकभोजन व पिण्यास पाणी दे.
13नंतर आमचे बाहयरुप व त्या तरुणांचे बाहयरुप की जे राजाचे मिष्ठान्न खात, त्यांच्यासोबत तुलना कर आणि तुझ्या नजरेस येईल तसे तुझ्या दासास कर.”
14मग तो कारभारी हे करण्यास मान्य झाला दहा दिवसांणी त्यांची पाहणी केली.
15दहा दिवसांच्या शेवटी त्यांचे बाहयरुप अधिक निरोगी आणि धष्टपुष्ट दिसू लागले, त्या तरुणांपेक्षा की जे राजाचे मिष्ठान्न खात.
16मग कारभाऱ्याने त्यांचे मिष्ठान्न आणि त्यांचा द्राक्षारस काढून त्यास फक्त शाकभोजन दिले.
17मग या चार तरुणास देवाने ज्ञान आणि सर्व प्रकारच्या शास्त्रांचा समज आणि शहानपन दिले, आणि दानीएलास सर्व प्रकारचे स्वप्न व दृष्टांत उलगडत असत.
18राजाने ठरवून दिलेल्या काळाच्या समाप्तीनंतर प्रमुख अधिकारी त्यांना नबुखदनेस्सर राजासमोर घेऊन आला.
19राजा त्यांच्याशी बोलला, त्या सर्व समुदायामध्ये दानीएल हनन्या, मीशाएल, अजऱ्या यांच्या तोडीचा दुसरा कोणीच नव्हता ते राजासमोर त्याच्या सेवेस राहू लागले.
20ज्ञानाच्या आणि शहानपणाच्या बाबतीत राजाने त्यांना जे काही विचारले त्यात ते, सर्व जादूगार, भुतविद्या करणारे हयांच्यापेक्षा ते दहापट उत्तम असे संपूर्ण राज्यात राजाला आढळून आले.
21कोरेश राजाच्या कारकिर्दीत पहिल्या वर्षापर्यंत दानीएल तेथे राहीला.