Bible 2 India Mobile
[VER] : [GUJARATI]     [PL]  [PB] 
 <<  1 Chronicles 24 >> 

1હારુનના પુત્રો; નાદાબ, અબીહૂ, એલાઝાર તથા ઈથામાર.

2નાદાબ અને અબીહૂ પોતાના પિતાની અગાઉ મરણ પામ્યા હતા. તેઓને સંતાન ન હતા, તેથી એલાઝાર તથા ઈથામાર યાજકનું કામ કરતા હતા.

3સાદોક, એલાઝારના વંશજોમાંનો એક અને અહીમેલેખે, ઈથામારના વંશજોમાંનો એકની સાથે મળી, દાઉદે, યાજકો તરીકેના કામ માટે તેઓને વિવિધ જૂથોમાં ગોઠવ્યા.

4એલાઝારના પુત્રોમાં, ઈથામારના પુત્રો કરતાં મુખ્ય પુરુષો સંખ્યામાં વધારે હતા, તેથી એલાઝારના પુત્રોના સોળ વર્ગ પાડવામાં આવ્યાં. ઈથામારના પુત્રોનાં કુટુંબોના આઠ મુખ્ય પુરુષો હતા, માટે તેઓના આઠ વર્ગ પાડવામાં આવ્યા.

5તેમણે ચિઠ્ઠીઓ નાંખી બિનપક્ષપાતીપણે તેઓને નિયુક્ત કર્યા તેથી પવિત્રસ્થાનના કારભારીઓ તથા ઈશ્વરના કારભારીઓ, એલાઝાર અને ઈથામાર, બન્નેના વંશજોમાંથી હતા.

6નથાનિયેલનો પુત્ર શમાયા ચીટનીસ, લેવીઓમાંનો એક હતો. તેણે રાજાની, સરદારોની, સાદોક યાજકની, અબ્યાથારના પુત્ર અહીમેલેખની તથા યાજકો અને લેવીઓના કુટુંબોના મુખ્ય પુરુષોની સમક્ષ તેઓની નોંધ કરી. એલાઝાર તથા ઈથામારના કુટુંબ, વારાફરતી એકપછી એક ગણવામાં આવતુ હતું.

7પહેલી ચિઠ્ઠી યહોયારિબની અને બીજી યદાયાની નીકળી.

8ત્રીજી હારીમની, ચોથી સેઓરીમની,

9પાંચમી માલ્કિયાની, છઠ્ઠી મીયામીનની,

10સાતમી હાક્કોસની, આઠમી અબિયાની,

11નવમી યેશુઆની, દસમી શખાન્યાની,

12અગિયારમી એલ્યાશિબની, બારમી યાકીમની,

13તેરમી હુપ્પાની, ચૌદમી યશેબાબની,

14પંદરમી બિલ્ગાની, સોળમી ઈમ્મેરની,

15સત્તરમી હેઝીરની, અઢારમી હાપ્પીસ્સેસની,

16ઓગણીસમી પથાહ્યાની, વીસમી યહેઝકેલની,

17એકવીસમી યાકીનની, બાવીસમી ગામૂલની,

18ત્રેવીસમી દલાયાની અને ચોવીસમી ચિઠ્ઠી માઝયાની નીકળી હતી.

19તેઓની સેવાનો આ ક્રમ, તેમને તેમના પૂર્વજ હારુનને દ્વારા અપાયેલ વિધિ કે જે તેને ઇઝરાયલના ઈશ્વર, યાહવેહે સુચવી હતી તે મુજબ જયારે તેઓ યહોવાહના ભક્તિસ્થાનમાં આવતા ત્યારે હતો.

20લેવીના બાકીના પુત્રો નીચે મુજબ છે: આમ્રામના પુત્રોમાંનો શુબાએલ; શુબાએલના પુત્રોમાંનો યહદયા.

21રહાબ્યાના પુત્રોમાંનો યિશ્શિયા જે આગેવાન હતો.

22ઈસહારીઓમાંનો શલોમોથ. શલોમોથના પુત્રોમાં યાહાથ.

23હેબ્રોનના પુત્રોમાં સૌથી મોટો યરિયા, બીજો અમાર્યા, ત્રીજો યાહઝીએલ અને ચોથો યકામામ.

24ઉઝ્ઝિયેલનો પુત્ર મિખા. મિખાના પુત્રોમાંનો શામીર.

25મિખાનો ભાઈ યિશ્શિયા. યિશ્શિયાનો પુત્ર ઝખાર્યા.

26મરારીના પુત્રો: માહલી તથા મુશી. યાઝિયાનો પુત્ર બનો.

27મરારીના પુત્રો: યાઝિયાનો બનો, શોહામ, ઝાક્કૂર અને ઈબ્રી.

28માહલીના પુત્રો એલાઝાર, તે નિ:સંતાન હતા.

29કીશનો પુત્ર: યરાહમેલ.

30મુશીના પુત્રો: માહલી, એદેર તથા યરીમોથ. તે બધા તેમના કુટુંબ પ્રમાણે લેવીઓ હતા.

31તેઓએ પણ હારુનના પુત્રોની માફક દાઉદ રાજા, સાદોક, અહીમેલેખ અને યાજકો તથા લેવીઓનાં કુટુંબનાં મુખ્ય પુરુષોની હાજરીમાં ચિઠ્ઠીઓ નાખી. કુટુંબના મુખ્ય માણસોએ પોતાના નાના ભાઈઓની કુટુંબોની માફક જ ચિઠ્ઠીઓ નાખી.


  Share Facebook  |  Share Twitter

 <<  1 Chronicles 24 >> 


Bible2india.com
© 2010-2025
Help
Dual Panel

Laporan Masalah/Saran