1बेल खाली वाकला आहे, नबो झुकला आहे; त्यांच्या मूर्तींचे ओझे जनावरांवर वाहून नेण्यासाठी लादले आहे. ह्या वाहून नेण्याच्या मूर्त्यांचे भारी ओझे थकलेल्या जनावरांवर लादले आहे.
2ते एकदम लवत आहे,गुडघे टेकतात;ते प्रतिमा सांभाळू शकत नाहीत, परंतु ते स्वतःही बंदीवासात जातात.
3याकोबाच्या घराण्या आणि याकोबाच्या घराण्यातील वाचलेले सर्व तुम्ही, ज्या तुम्हाला मी जन्माच्या पूर्वीपासून, गर्भापासून वाहीले आहे.माझे ऐका.
4तुमच्या म्हातारपणापर्यतही मी आहे आणि तुमचे केस पिकेपर्यत मी तुम्हाला वाहील. मी तुम्हाला निर्माण केले आणि मी तुम्हाला आधार देईल, मी वाहूून तुमचे रक्षण करीन.
5“तुम्ही माझी तुलना कोणाशी कराल? आणि मला कोणाशी सादृश्य लेखाल,याकरता त्यांच्याशी आमची तुलना होईल?
6लोक पिशवीतून सोने ओततात आणि चांदी तराजूने तोलतात. ते सोनाराला मोलाने ठेवतात आणि तो त्यांचा देव करतो; ते नतमस्तक होतात आणि उपासना करतात.
7ते आपल्या खांद्यांवर उचलून घेतात आणि वाहून नेतात; तो नेऊन त्याच्या जागी ठेवतात आणि तो त्याच्या जागेवर उभा राहतो व त्या जागेतून हालत नाही. ते त्याला आरोळी मारतात,पण तो त्यांना उत्तर देत नाही किंवा कोणालाही त्याच्या संकटातून वाचवत नाही.
8ह्या गोष्टींबद्दल विचार करा; तुम्ही बंडखोरांनो! कधीही दुर्लक्ष करू नका.
9प्राचीन काळच्या,पूर्वीच्या गोष्टीबद्दल विचार करा, कारण मी देव आहे आणि दुसरा कोणी नाही, मी देव आहे आणि माझ्यासारखा कोणीच नाही.
10मी आरंभीच शेवट निवेदन करतो आणि ज्या गोष्टी अजूनपर्यत घडल्या नाहीत, त्या मी आधीपासून सांगत आलो आहे. मी म्हणतो,“माझ्या योजना घडून येईल आणि मी आपल्या इच्छेप्रमाणे करील.”
11मी पूर्वेककडून एका हिंस्त्र पक्षाला, माझ्या निवडीचा माणूस दूरच्या देशातून बोलावतो; होय, मी बोललो आहे; ते मी पूर्णही करील; माझा उद्देश आहे, मी तोही पूर्ण करील.
12चांगले करण्यापासून लांब राहणाऱ्या हट्टी लोकांनो, तुम्ही माझे ऐका.
13मी आपला न्याय जवळ आणत आहे;तो फार दूर नाही आणि माझे तारण थांबणार नाही; आणि मी सियोनाला तारण देईन आणि माझी शोभा इस्राएलास देईन.
