Bible 2 India Mobile
[VER] : [MARATHI]     [PL]  [PB] 
 <<  Psalms 99 >> 

1परमेश्वर राज्य करतो;राष्ट्रे कंपित होवोत. तो करुबांच्यावर विराजमान आहे; पृथ्वी थरथर कापो.

2सियोनात परमेश्वर महान आहे; तो सर्व राष्ट्रांच्यावर उंच आहे.

3ते तुझे महान आणि भयचकीत करणारे नावाची स्तुती करोत. तो पवित्र आहे.

4राजा बलवान आहे आणि तो न्यायप्रिय आहे. तू सरळपणा स्थापिला आहे; तू याकोबात न्याय व नीति अस्तित्वात आणली आहेस.

5परमेश्वर, आपला देव त्याची स्तुती करा आणि त्याच्या पादासनाजवळ त्याची उपासना करा. तो पवित्र आहे

6त्याच्या याजकामध्ये मोशे आणि अहरोन हे होते आणि त्याला प्रार्थना करणाऱ्यापैकी शमुवेल हा होता. त्यांने परमेश्वराची प्रार्थना केली आणि त्याने त्यांना उत्तर दिले.

7तो त्यांच्याशी मेघस्तंभातून बोलला. त्यांनी त्याच्या आज्ञा आणि त्याचे नियम त्यांनी पाळले.

8हे परमेश्वरा, आमच्या देवा, तू त्यांना उत्तर दिलेस. तू त्यांना क्षमा करणारा देव आहेस तरी त्यांच्या पापमय कृत्याबद्दल त्यांना शिक्षा करीत होतास.

9परमेश्वर, आपला देव ह्याची स्तुती करा, आणि त्याच्या पवित्र डोंगरावर उपासना करा, कारण परमेश्वर आमचा देव पवित्र आहे. –––––



 <<  Psalms 99 >> 


Bible2india.com
© 2010-2025
Help
Single Panel

Laporan Masalah/Saran