1परमेश्वरा, माझ्या देवा, मी तुझ्याठायी आश्रय घेतो! माझा पाठलाग करणाऱ्यांपासून मला वाचव आणि मला सोडव.
2नाहीतर ते मला सिंहासारखे फाडून टाकतील. वाचवायला कोणी समर्थ नसणार, असे ते माझे तुकडे तुकडे करतील.
3परमेश्वरा माझ्या देवा, मी असे काही केले नाही जे शत्रूं सांगतात, मीच केले; माझ्या हाती काही अन्याय नाही.
4माझ्याशी शांतीने राहणाऱ्याचे मी कधीही वाईट केले नाही. किंवा माझ्याविरोधात जे होते त्यांना इजा केली नाही.
5जर मी खर सांगत नसेल तर, माझे शत्रू माझ्या जीवाच्या पाठीस लागो आणि त्याला गाठून घेवो. तो माझा जीव मातीत तुडवो आणि माझी प्रतिष्ठा धुळीस मीळवो.
6हे परमेश्वरा, आपल्या क्रोधाने उठ; माझ्या विरोध्यांच्या संतापामुळे उभा राहा, माझ्यासाठी जागा हो आणि तुझ्या न्यायाचा आदेश जो तू आज्ञापीला आहे तो पुर्णत्वास ने.
7राष्ट्रांची सभा तुझ्याभोवती येवो, आणि पुन्हा तू त्यांच्यावरती आपले योग्य ठिकाण घे.
8परमेश्वर राष्ट्रांचा न्याय करतो, परमेश्वरा, मला समर्थन दे, आणि माझ्या न्यायीपणाप्रमाणे आणि माझ्यातल्या माझ्या सात्त्विकतेप्रमाणे माझा न्याय कर.
9दुष्टांच्या वाईट कृत्यांचा अंत होवो, परंतू न्यायीला स्थापीत कर. कारण न्यायी देव हृदय व अंतर्यामे पारखणारा अाहे.
10जो सरळ हृदयाच्यांना तारतो त्या देवापाशी माझी ढाल आहे.
11देव न्यायी न्यायाधीश आहे, असा देव जो प्रतिदिवशी न्यायाने रागावतो.
12जर मनुष्याने पश्चाताप नाही केला तर, देव त्याच्या तरवारीला धार लावणार आणि त्याचा धनुष्य युद्धासाठी तयार करणार.
13तो आपले शस्त्रे त्यांच्याविरुद्ध तयार केली आहेत. तो आपले तीर जळते करतो.
14त्यांचा विचार कर जे दुष्टपणाने गरोदर झाले आहेत. जे विध्वंसक योजनांची गर्भधारणा करतात, जे अपायकारक लबाडीला जन्म घालतात.
15त्याने खड्डा खोदला आणि तो खोल खोदला, आणि त्याने जो खड्डा केला त्यांत तोच पडला.
16त्याचे अपायकारक योजना त्याच्याच डोक्यावर परत येतील, आणि त्याची हिंसा त्याच्याच माथ्यावर येईल.
17मी परमेश्वराला त्याच्या न्यायीपणाप्रमाणे धन्यवाद देईल, मी परात्पर परमेश्वराच्या नावाची स्तुती गाईन.
