1मग असे झाले की,जेव्हा हिज्कीयाने त्यांचा निरोप ऐकून, त्याने आपले कपडे फाडले, स्वतःला गोणपाटाने झाकून आणि परमेश्वराच्या मंदिरात गेला.
2त्याने एल्याकीम जो घरावर कारभारी होता आणि शेबना चिटणीस आणि याजकातील वडील यांना गोणपाट घातलेले असे अमोजाचा मुलगा यशया संदेष्ट्याकडे पाठविले. त्या सगळ्यांनी खास शोकप्रदर्शक कपडे घातले.
3ते त्याला म्हणाले, “ हिज्कीया असे म्हणतो, हा दिवस यातनेचा, धिक्काराचा व अपमानाचा दिवस आहे, कारण जसे बालक जन्मायला तयार आहे, पण आईला तिच्या बालकाला जन्म देण्यास शक्ती नाही.
4परमेश्वर तुझा देव रब शाकेचे शब्द ऐकेल, त्याचा धनी अश्शूरचा राजा याने त्याला जिवंत देवाची निंदा करायला पाठवले आहे. आणि जी शब्दे परमेश्वर तुझा देव याने ऐकली आहेत त्यांचा तो कदाचित निषेध करील,म्हणून जे उरलेले आहेत त्यांच्यासाठी आपली प्रार्थना उंच कर.
5तेव्हा हिज्कीया राजाचे सेवक यशयाकडे आले,
6आणि यशया त्यांना म्हणाला, “तुझ्या धन्याला सांगः परमेश्वर म्हणतो, ‘अश्शूरी राजाच्या सेवकांनी ज्या शब्दांनी माझा अपमान केला आहे ते शब्द तू ऐकले आहेस, त्याने तू घाबरून जाऊ नको.
7पाहा, मी एक आत्मा त्याच्यात घालीन आणि तो काही बातमी ऐकून आपल्या देशात परत जाईल. तो आपल्याच देशात तरवारीने पडेल, असे मी करीन.
8मग रब शाके माघारी आला आणि त्याला अश्शूराचा राजा लिब्नाविरूद्ध लढाई करताना सापडला,कारण त्याने राजा लाखीशाहून गेला आहे, हे त्याने ऐकले.
9मग सन्हेरीबाने ऐकले की, “कुशाचा व मिसराचा राजा तिऱ्हाका आपणाशी लढावयास गेला आहे असे बोलताना कोणी ऐकले. ते ऐकून त्याने हिज्कीयाकडे पुन्हा निरोप घेऊन जासूद पाठवले की,
10यहूदाचा राजा हिज्कीया, याला सांगा, तू ज्या देवावर भरवसा ठेवतोस तो यरुशलेम अश्शूराच्या राजाच्या हाती दिले जाणार नाही,असे म्हणून तुला न फसवो.
11पाहा, तू ऐकले आहेस अश्शूराच्या राजांने त्यांच्या सर्व देशांचा पूर्णपणे कसा नाश केला आहे. तर तू सुटशील काय?
12गोजान हारान,व रेसफ व तलस्सारातले एदेनाचे लोक ह्या ज्या राष्ट्रांचा माझ्या पित्याने नाश केला त्यांच्या देवांनी त्यांना वाचविले का?
13हमाथाचा राजा आणि अर्पादाचा राजा सफवाईम नगराचा राजा, हेनाचा व इव्वाचा राजा हे कोठे आहेत?
14हिज्कीयाने जासूदाकडून हे पत्र स्विकारून आणि ते वाचले. नंतर तो परमेश्वराच्या मंदिरात गेला आणि त्याने ते परमेश्वरापुढे पसरले.
15हिज्कीयाने परमेश्वराकडे प्रार्थना केलीः
16हे सैन्यांच्या परमेश्वरा, इस्राएलाच्या देवा, जो तू करूबावर बसतो,तो तूच मात्र सर्व राज्यांचा देव आहेस. तूच स्वर्ग आणि पृथ्वी निर्माण केलीस.
17हे परमेश्वरा,कान लाव व ऐक. हे परमेश्वरा तुझे डोळे उघड आणि पाहा आणि सन्हेरीबाचे शब्द एक ऐक, जी त्याने जिवंत देवाची निंदा करण्यासाठी पाठवली आहेत.
18हे सत्य आहे,परमेश्वरा, अश्शूरच्या राजाने सर्व राष्ट्राचा व त्यांच्या भूमीचा नाश केला आहे.
19त्यांनी त्यांचे देव अग्नीत टाकले, कारण ते देव नव्हते परंतु माणसांच्या हाताचे काम होते, फक्त लाकूड व दगड होते. म्हणून अश्शूऱ्यांनी त्यांना नष्ट केले.
20तर आता, हे परमेश्वरा, आमच्या देवा, आम्हास त्यांच्या हातातून सोडीव, म्हणजे तूच मात्र परमेश्वर आहेस हे पृथ्वीतल्या सर्व राज्यांनी जाणावे.
21नंतर आमोजाचा मुलगा यशया याने हिज्कीयाला निरोप पाठविला, म्हणाला, “इस्राएलाचा देव परमेश्वर म्हणतो, ‘ कारण अश्शूराचा राजा सन्हेरीब याच्याबद्दल तू माझी प्रार्थना केली,
22त्याच्याबद्दल परमेश्वर हे शब्द बोलला आहेः सियोनेची कुमारी तुला तुच्छ मानून तिरस्काराने तुला हसते. यरूशलेमेची कन्या, तुला डोक हलवून दाखवते.
23तू कोणाची निंदा आणि अपमान केलास? आणि कोणाविरूद्ध आवाज उंच केलास आणि आपले डोळे गर्वाने उंचावले? इस्त्राएलाचा एक पवित्र त्याच्याविरूद्ध.
24तू आपल्या सेवकांकडून प्रभूची अवज्ञा करून आणि म्हटले,मी आपल्या पुष्कळशा रथाबरोबर मी पर्वताच्या उंचावर,लबानोनाच्या अगदी आतल्या भागावर चढून आलो आहे. त्याचे उंच गंधसरू, व त्याचे निवडक देवदारू मी तोडीन आणि मी त्याच्या अगदी दूरच्या उंचीवर त्याच्या फळझाडांच्या जंगलात प्रवेश करीन. आलो.
25मी विहिरी खणल्या व विदेशी पाणी प्यालो; मी आपल्या पायाच्या तळव्यांनी मिसरच्या सर्व नद्या सुकवून टाकील.
26मी हे मागच्या काळात कसे केले आणि प्राचीन दिवसात हे कसे योजिल्याप्रमाणे केले, हे तू ऐकले नाही काय?आता हे मी घडवून आणले आहे. तू अजिंक्य नगरे घटवून त्यांचे नासाडीचे ढीग करण्यास येथे आहे.
27त्यात राहणारे, अल्प शक्तीचे होते. ते मोडून गेले व खजील झाले. ते शेतात लावलेल्या रोपासारखे,हिरवे गवत, छतावरचे किंवा शेतातले गवत, वाढ होण्यापूर्वी पूर्वेच्या वाऱ्यापुढे करपले आहे.
28पण तुझे बसणे, बाहेर जाणे,आत येणे आणि माझ्याविरूद्धचा तुझा क्रोध मला ठाऊक आहे.
29कारण माझ्याविरूद्धच्या तुझ्या क्रोधामुळे आणि व तुझा उद्धटपणा माझ्या कानी पोहचला आहे, मी आपले वेसण तुझ्या नाकात व आपला लगाम तुझ्या तोंडात घालीन; तू ज्या मार्गाने आलास त्यानेच मी तुला मागे फिरवीन.
30तुझ्यासाठी हे चिन्ह होईलः ह्या वर्षी तुम्ही जे काही आपोआप उगवेल ते खाल आणि दुसऱ्या वर्षी जे त्यातून उगवेल ते खाल. परंतु तिसऱ्या वर्षी तुम्ही पेरणी करा व कापा, द्राक्षमळे लावा आणि त्याचे फळ खा.
31“यहूदाच्या घराण्यातील वाचलेले अवशिष्ट पुन्हा मूळ धरतील आणि फळ धारण करतील.
32कारण यरूशलेमेमधून अवशेष बाहेर येतील; सियोनाच्या डोंगरावरून वाचलेले येतील. सेनाधीश परमेश्वराचा आवेश हे करील.
33म्हणून अश्शूरच्या राजाविषयी परमेश्वर हे म्हणतोः तो ह्या नगरात येणार नाही, किंवा येथे एकही बाण मारणार नाही. तो यासमोर ढालीसह येणार नाही किंवा याविरूद्ध वेढा रचून थैमान घालणार नाही.
34तो ज्या मार्गाने आला त्याच मार्गाने निघून जाईल; तो ह्या नगरात प्रवेश करणार नाही. हे परमेश्वराचे निवेदन आहे.
35कारण मी आपल्यासाठी व माझा सेवक दावीद याच्यासाठी ह्या नगराचे रक्षण करीन.
36मग परमेश्वराच्या देवदूताने जाऊन अश्शूराच्या तळावरील एक लक्ष पंचाऐशी हजार सैनिकांना ठार मारले. जेव्हा पहाटेस माणसे उठली, तेव्हा सर्वत्र प्रेते पडलेली होती.
37मग अश्शूरचा राजा सन्हेरीबाने इस्त्राएल सोडले व घरी गेला व आणि निनवेत जाऊन राहिला.
38तेव्हा असे झाले की, तो आपला देव निस्त्रोख याच्या घरात पूजा करीत असताना, त्याचे मुले अद्रम्मेलेक व शरेसर यांनी त्याला तलवारीने ठार मारले. मग ते अराराट देशात पळून गेले. मग त्याचा मुलगा एसरहद्दोन त्याच्या जागी राज्य करू लागला.