1परमेश्वराची स्तुती करा. जो माणूस परमेश्वराच्या आज्ञा पाळतो, जो त्याच्या आज्ञेत मोठा आनंद करतो,तो आशीर्वादित आहे.
2त्याचे वंशज पृथ्वीवर शक्तिमान होतील; धार्मिक आशीर्वादित होतील.
3धन व श्रीमंती त्यांच्या घरात आहेत; त्यांचे नीतिमत्त्व सर्वकाळ टिकते.
4धार्मिक माणसांसाठी अंधकारात प्रकाश चमकवतो; तो दयाळू, कृपाळू आणि न्यायी आहे.
5जो माणूस दया करतो आणि उसने देतो, जो प्रामाणिकपणे वागून आपला व्यापार करतो त्याचे चांगले होते.
6कारण तो माणूस कधीही हलणार नाही; नीतिमान माणसाची आठवण सर्वकाळ राहील.
7तो वाईट बातमीला भिणार नाही; त्याचा परमेश्वरावर भरवसा असून त्याला खात्री आहे.
8त्याचे हृदय निश्चल आहे, आपल्या शत्रूवर विजय मिळालेला पाहीपर्यत तो भिणार नाही.
9तो गरीबांना उदारपणे देतो; त्याचे नीतिमत्त्व सर्वकाळ राहील; तो सन्मानाने उंचविला जाईल.
10दुष्ट माणसे हे पाहतील आणि रागावतील; तो आपले दात खाईल आणि विरघळून जाईल; दुष्टाची इच्छा नाश होईल.